Në datat 7-8 prill, në Berat u zhvillua me sukses seminari trajnues lokal mbi monitorimin e proçeseve zgjedhore. Seminari mblodhi së bashku pjesëmarrës nga organizatat lokale të shoqërisë civile, aktivistë të rinj dhe anëtarë të komunitetit romë, me qëllim që të forcojnë njohuritë dhe aftësitë e tyre në vëzhgimin dhe vlerësimin e proçedurave zgjedhore. Nëpërmjet sesioneve interaktive dhe ushtrimeve praktike, pjesëmarrësit fituan njohuri mbi kuadrin ligjor, standardet e zgjedhjeve të ndershme dhe teknikat efektive të monitorimit. Seminari ishte pjesë e përpjekjeve të vazhdueshme për të promovuar transparencën, angazhimin qytetar dhe llogaridhënien demokratike në nivel lokal.
