Ligji zgjedhor duhet të gëzojë mbështetje sa më të gjerë nga subjektet e interesuara në proces, partitë politike, kandidatët dhe zgjedhësit. Për këtë arsye ai duhet të jetë produkt i një procesi legjislativ gjithëpërfshirës. Sipas Kodit të Praktikës së Mirë në Çështjet Zgjedhore të Komisionit të Venecias, ndryshimet në Kodin Zgjedhor duhet të bëhen, të paktën, gjatë muaj përpara ditës se zgjedhjeve. Vlerësimi i këtij indikatori do të behet duke u mbështetur në përgjigjet që do të merren për secilin prej pohimeve të mëposhtme:

• Reforma zgjedhore është konsensuale.
• Ndryshimet në Kodin zgjedhor pasqyruan rekomandimet e OSBE/ODIHR.
• Ndryshimet në Kodin zgjedhor u bënë në plotësim të kërkesave të vëzhguesve vendor dhe qytetarëve.
• Kodi zgjedhor nuk diskriminon partitë e vogla.
• Kodi zgjedhor nuk diskriminon kandidatët e pavarur.
• Kodi zgjedhor nuk i diskriminon pakicat kombëtare.
• Kodi zgjedhor është i qartë dhe nuk mund të keq interpretohet.
• Kodi zgjedhor nuk favorizon partinë ose partitë qeverisëse.
• Kodi zgjedhor e respekton barazinë gjinore.
• Kodi zgjedhor i plotëson standardet ndërkombëtare dhe siguron në mënyrë adekuate respektimin e të drejtave themelore të njeriut.
• Udhëzimet e KQZ pasqyrojnë kërkesat e Kodit Zgjedhor.
• Kodi zgjedhor jep garanci të mjaftueshme për respektimin e të drejtave civile dhe politike.
• Proçedurat e ankimit janë të qarta, publike dhe të kuptueshme për publikun.
• Në legjislacion janë të parashikuara mekanizma kontrolli dhe balancimi për të mbikëqyrur vendimet e marra nga KQZ.