Albanian National Training and Technical Assistance Resource Center - ANTTARC është një organizatë jofitimprurëse shqiptare e themeluar në vitin 1998 me fokus zhvillimin e kapaciteteve të sektorëve publikë dhe jofitimprurës. ANTTARC beson në fuqinë e ndryshimit dhe synon që ndryshimi të ndodhë përmes “strategjive dhe nismave të reja, krijuese dhe efektive”. Gjithashtu, ANTTARC beson se rezultatet më të mira prodhohen përmes projekteve që integrojnë një komponent të fortë të zhvillimit të kapaciteteve, duke u mundësuar kështu aktorëve dhe përfituesve të projektit të zbatojnë projekte efektive dhe efikase që ofrojnë gjithashtu ndikim në shoqëri dhe qëndrueshmëri të rezultateve. ANTTARC ka kapacitetin në lidhje me zhvillimin dhe mbështetjen e kapaciteteve të OSHC-ve, si dhe menaxhimin e skemave të nën-granteve për OSHC-të: - Që nga themelimi i saj në 1998, ajo ka realizuar qindra aktivitete për zhvillimin e kapaciteteve, duke përfshirë gjithashtu dhjetëra programe afatgjata dhe gjithëpërfshirëse. Fushat e ekspertizës së ANTTARC përfshijnë: Zhvillimin organizativ; Menaxhimi i ciklit të projektit; Vlerësimi i projektit/programit; Politika publike dhe avokimi; Trajnimi i Trajnerëve/Trajnimi i Konsulentëve; etj. Ka menaxhuar projekte të shumta, duke përfshirë edhe ato në shkallë të gjerë me fokus qeverisjen e mirë dhe antikorrupsionin, forcimin e shoqërisë civile, zhvillimin përmes kulturës, zhvillimin rural/turizëm etj. - ANTTARC ka përvojë në skemat e nëngranteve për organizatat e shoqërisë civile. Ajo ka menaxhuar, si një organizatë udhëheqëse, dy skema subgrantesh me fondet e BE-së dhe një skemë subgrantesh të financuar nga USAID-i, si dhe ka qenë partner në menaxhimin e dy skemave të tjera subgrantesh të financuara nga BE-ja. - ANTTARC është anëtar i All Digital Europe, shoqata lider evropiane në fushën e teknologjisë së informacionit dhe dixhitalizimit.